Pantun dan Pituah

PITUAH

Nak Urang koto ilalang
Nak lalu ka pakan Baso
Malu jo sopan kok lah ilang
Habihlah raso jo pareso

Nan ado samo dimakan
Nan indak samo dicari
Kok Jauah kana mangana
Kok dakek jalang manjalang

Adat babarih babalabeh
Baukua jo bajangko
Tungku nan tigo sajarangan
Patamo banamo alua jo patuik
Kaduo banamo anggo tanggo
Katigo banamo raso pareso

Tungku nan tigo sajarangan
Patamo banamo alua patuik
Kaduo banamo anggo tanggo
Katigo banamo raso pareso

Balabiah ancak ancak
Bakurang sio sio
Diagak mangko diagiah
Dibaliak mangko dibalah
Bayang bayang sapanjang badan

Dalam awa akhia mambayang
Dalam baiak kanalah buruak
Dalam galak tangih ka tibo
Hati gadang hutang kok tumbuah

Bundo kanduang
Limpapeh rumah nan gadang
Amban puruak pegangan kunci
Amban puruak aluang bunian
Pusek Jalo kumpulan tali
Hiasan dalam nagari

Jikok kato bamulo dari hati
Yo ka hati juo ka masuaknyo
Jikok kato bamulo dari lidah
Talingo sajo parantiannyo

PANTUN

Badabua ombak pantai Puruih

Abunyo sampai ka ulak karang

Dimalah badan indak ka kuruh

Badan dirantau taragak pulang


Den cubo batanam unbang

Kok untuang jadi kalapo

Den cubo bataman sayang

Kok untuang manjadi cinto


Ganjia bana si manggih kino

Alum di gampo alah ratak

Ganjia bana parangai nak gadih kini

Alun disapo alah galak


Dilorong pado sadahnyo

Sadah langkitan Padang

Diambuih jo lingga cino

Ndk ado kamisahan kito

Walau dilamun riak jo galombang

Antah kok Tuhan nan kuaso


Kok ado sumua di ladang

Buliah  kito manompang mandi

Kalaulah tajalin kasiah jo sayang

Ndak mungkin dituka lai


Pai baburu urang karimbo

Singgah sabanta ka Painan

Duduak tamanuang minum kopi

Siang jo malam taragak juo

Kamalah kasiah ka disampaikan

Cameh raso dalam hati


Urang minang pai ka serang

Maminum talua sarato jamu

Kok iyo kito samo sayang

Bialah untuang kabatamu


Kain putiah panjang bajelo

Puyuah balago dalam padi

Heran sakali hati hambo

Guruah patuih hujan tak jadi

Pisang sirandah masak ketek

Mari diguntiang jo dirauik

Carilah biduak panjang ampek

Paambiak bungo dalam lauik

Ikan banamo Sutan Deman

Makan barulang ka parahu

Lautan lah jadi pamainan

Labuhan kami balun tahu

77 Balasan ke Pantun dan Pituah

  1. oenchoe berkata:

    Mantap bana…ptuahnyo.

  2. azfith berkata:

    kok kilek lah barapi rapi patuih lah badan tam dantam gabak di ulu lah manapi kahujan juo mah kiro nyo. Kok iyo hari ka hujan nak diraoknyo kito sabalik sabalun riak jo galombang samo makan alek jo pangka .sakian sambah nan di pariri kan.

  3. abdul berkata:

    ambo rang minang nan taragak pulang tp ….!

  4. abdul berkata:

    panjek malawi tinggi-tinggi
    tibo didahan pacah balah
    tuntuik ilmu kini-kini
    nyawo didalam tangan allah

  5. Maihendra berkata:

    Manyentuh bana

  6. yudhi elcabert berkata:

    mantap,,,,,,ado nan lain nyo ndak,,,,bilo lo ambo ka mndanga pituah adaik minangkabau ko lai,,,,,

  7. jimi berkata:

    Limbago jalan batampuah, itu nan utang niniak mamak, sarugo di iman taguah, narako dilaku awak.

  8. yandrakusumanoer@yahoo.com berkata:

    sabana lasuah pantun ko klau dpk lbiah mantap lai

  9. pancasila.ada.lima berkata:

    @ajo manih: santiang juo um ajo ba pantun mah.. Hehe

  10. yandrakusumanoer@yahoo.com berkata:

    taratak gunuang pangguliun ,tlatak d kota padang jiko taragak buliah lah alun ,baa badan ko ka pulang, batanam lado d hari sanjo ,d tanam dek anak urang pangilun ,baa badan abo kapulang matah talampau masak alun

  11. ali akbar koto berkata:

    urang padang mandi ka gurun,
    mandi bakusuak bungo lado.
    hari patang matohari turun,
    jatuah badarai si ayie mato’

    dari sangka ka pasa lintau
    singgah sabanta mambali ikan deman
    jokok dunsanak pai marantau
    jangan lupo kampuang halman

  12. Pandeka berkata:

    Rumah gadang bagonjong tigo
    elok laku di pandang mato
    jikok ado kito basuo
    sabana rancak saliang manyapo

  13. van berkata:

    katupek katumbang bulu
    di agiah ba tali aka
    indak buliah lalu ka pintu
    malompek lalu ka jandela

  14. van berkata:

    anak si pasan dalam rimbo
    mati di golek2 batang
    nan ambo tiado
    adiak sayang capeklah pulang

  15. indra berkata:

    jikok hak di rabui rampek. gadih tapakik dalam samak jando di gungguang tabang uran, jago suku,bangun dubalang, sinan nan cadiak cadiak mamparkaro dan bagak mampalalahkan nan kayo tajun jo pitih yno. jikok hanyuik dma di pinteh walau kadalam lawik basah, jiko hilang dima di cari walau kasuduik2 bumi..dak lalu dandang di ayia di bumi kadi tanjak kan, dak munkin sacaro layia di batin ka di sampaikan.. baetu bana maha harogo padusi di ranah minang

  16. zonavino berkata:

    rancak bana pantun nyo

  17. karakok madang di hulu
    babuah babungo balun
    marantau bujang dahulu
    di kampuang paguno balun

  18. bialah pandan den tinggakan
    pandan den tinggakan di tapi sawah
    bialah badan bajauahan
    asalkan di hati lai ndk barubah

  19. Joe berkata:

    Mantap bana tamanuang takana kampuang nan jauah dimato awak jauah dirantau urang.. Salam untuk dunsanak di batang kapeh.

  20. jeriko berkata:

    kue cucur enak rasanya,
    kue serabi putih warnanya
    hatiku hancur karena cinta
    siapakah yg akan jadi pengobatnya

  21. jeriko berkata:

    Ka pasa mambaok katidiang
    Pulang mambaok lado
    Tabulaliak mato kuciang
    Mancaliak mancik jadi anak daro

  22. rihva doang berkata:

    malereng bukik d kelok 9 … y lah kuyuik badan kni

  23. ridho ilham berkata:

    babelok jalan ka parak tingga.
    tantang bukik panantian.
    elok elok adiak den tingga.
    usah ba paliang paratian
    kalupak ambiak katimbo.
    panimbo ayiah nan taganang.
    jo kida apuih ayiah mato nan suwok jawek kasiah sayang.

  24. rha berkata:

    hang twazor lareeee’

  25. jalidir berkata:

    PASAMBAHAN SA SUDAH MAKAN

    ampek di tambah ampek,,
    salapan,,
    urang baralek awak makan,,
    di tambah ciek jadi sambilan,,
    sudah makan yo bjalan awak lay nyo ngku

  26. fazerro berkata:

    Buliah….buliah….
    tambuah ciek maakk…

    pai raun ka bukik tinggi
    tibo di bukik naiak bendi
    kok iyo awak rang babudi
    pandai” lah mambaok diri.

  27. andi rinaldo berkata:

    sungai rambai di lingkuang bukik
    balai nyo rami di hari sabtu
    putuih bacinto sabana sakik
    bak raso luko jo sambilu

    lai dicubo batanam padi
    malah nan tumbuah ilalang juo
    lai dipupuak si buah hati
    kandak dek adiak bapisah juo

    urang sunuah mandi kalubuak
    mandi basamo ba lumbo lumbo
    hati jo jantuang nan alah tarumuak
    kandak dek adiak bapisah juo

    diri bak cando sibuhua sentak
    disentak urang dipagi hari
    kasiah jo sayang nanlah nyo urak
    raso ndak mungkin ka elok lai

  28. saranghae berkata:

    mantap2…..
    ajan an wak ciek da

  29. yongky berkata:

    solok salayo jalan basamak
    mananam padi paika sawah
    patuiklah kayo niniak mamak dek nagari nan nyo jua

  30. christal chaniago berkata:

    mantap,ada yg br lg ngk. .

  31. christal chaniago berkata:

    solok salayo ramilah urang,mambali galeh taruih ka pakan,yo lah kayo mangko mailang,dek di kaja samo kamanakan,

  32. putra berkata:

    Bungo kujaraik tumbuah diladang,
    Patah dipijak urang lalu,
    Mako adaik baransuo ilang,
    Dek nan Tuo mulai ndak mau tau.

  33. tomi berkata:

    tambuah cek…pai mnjaguak ka pusaro…pusaro di ukua nan jo tali…kok iduik btmbah seso…bak cndo bruang tabang tak jdi

  34. dedi sae berkata:

    sato cek yo………

  35. sih4nk berkata:

    lambuik sanak… yo subana cigin2. ikuik ambo ciek

  36. satria berkata:

    awak sato galak je lah dih… hehehehahhahahh

  37. sangkheer berkata:

    tanjung pati lalu ka lintau..
    nan di padang balubuk minturun..
    dima hati indak ka risau..
    galeh takambang hujan pun turun..

  38. sangkheer berkata:

    anak bincacak anak bincacau..
    anak sinian nian rimbo..
    sabana payah denai dirantau..
    siang jo malam bahati ibo..

  39. syafrizal chaniago berkata:

    sero bana pantun minang ko ambo jadi takana jo kampuang dari syafrizal chaniago urang kampung dalam.

  40. Yogi.Ramadan berkata:

    Nasi Lamak Mkan Jo Randang

    Randang Di Masak Jo Garambia Tuo

    Oi Dusanak Yg Di Rantau Urang

    Di Tnah Subarang Jan Di Jdikan Kampuang Kito

    www.

  41. remon pariaman berkata:

    iduik baraka,
    mati baiman..
    iduik kurang aja,
    mati dek tangan..

  42. SKB berkata:

    cubolah baladang di ateh bukik..
    mulo baladang parambahan..
    cubo sanak mamandang subalik..
    iyo gadabg kuaso Tuhan..

  43. amel berkata:

    rang bukik tinggi pulang basamo
    pulang basamo naiak kudo
    jikok ado salah di kato
    tangan di usuang maaf kan ambo

  44. harpen berkata:

    kok hujan lah turun
    ingek2 banjir ka tibo
    kok pinto hati nan ka dituru’ an
    aie mato nan ka tibo

  45. andri_chino berkata:

    burung kutilang
    buruang beo
    kok cinto nan hilang
    hati nan tabedo

  46. andri_chino berkata:

    burung kutilang
    buruang beo
    kok cinto nan hilang
    hati nan ta ibo

  47. irfan berkata:

    hujan labek disanjo rayo.. taduahlah hujan diparak siang galak tasenggeang api narako maliek urg ndak sumbayang..

  48. zul berkata:

    Gadanglah ayia ulak karang. Tonggak tarandam dalam ayia. Takuik adat sajati jaan hilang. Ikuti modernisasi.

  49. Eko Cintamotor berkata:

    matak ptun urang minangko yo snak

  50. Sutan linbaktuah berkata:

    Sarumpun karakok malilik batang.
    Manjulai pucuak silaro nyo.
    Tasusun salam nan sangaik gadang.
    Salam tacurah ka sanak sadonyo,.

  51. Hanyfa berkata:

    Dihari nan sdg sanjo rayo
    Anak ktek balari lari
    Dima hati ndak kataibo
    Badan tasisiah dinan rami.

    Rancak bntuaknyo bungo melati
    Disampiangnyo bungo seroja
    Kanan kuaso kito basarah diri
    Supayo jauh dari siksa.

  52. irman berkata:

    HARI RABAA PUKUA SATU
    URANG MANEMBAK SI BURUANG NURI
    KANAI SAKIKI SADANG TABANG
    HARI LAH DAKEK PUKUAH SATU
    PARUIK LAH TARASO MANCARI NASI
    LAMAK MAKAN JO SAMBA LADO

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: